U múuch’ mexicoil jdeportistase’ láayli’ táan u molik u muuk’il u keetikubáajo’ob ichil Juegos Panamericanos Junior táan u báaxta’al Asunción.
Xmexicoil Ximena Serrano tu béeykunsaj u medallail oro tu keetil marcha ti’al ko’olel de 20 kilómetros, tu’ux xáanchaj 1:31:40.01.
Yéetel le beyka’ajo’, Méxicoe’ tu jets’aj túumben récord ti’ le keetilo’, ts’o’oke’ yéetel le beyka’ajo’, tu jets’aj xan u béeytal u bin u ketubáaj Juegos Panamericanos tu lu’umil Lima, ti’al u ja’abil 2027.
En español: Las marchistas Ximena Serrano y Valeria Flores conquistan oro y plata en Panamericanos Junior
Láayli’ ti’ le keetil je’elo’, u yéet lu’umil Valeria Florese’ tu béeykunsaj plata, úuchik u ts’o’okol ichil 1:33:21:37. Beey túuno’, yéetel le ka’atúul ko’olelo’oba’, noj lu’ume’ tu jets’aj leti’e’ no’oja’an ti’al u keetil marcha.
Walkil kamp’éel ja’abo’obe’, x-ecuadoril Glenda Morejón tu ts’o’oksaj keetil ichil 1:33:54:16.
Uláak’ ba’ale’, xclavadistas Mía yéetel Líae’ tu nats’ubáajo’ob ti’ u ts’ook keetil trampolín 1 metro ti’al ko’olel, tu jo’oloj preliminar beeta’ab jo’oljeak, ka’aj p’áato’ob tu yáax yéetel tu lajun kúuchil, je’el bix chíikpajik u k’aaba’ob. Tak walkila’, Méxicoe’ ts’o’ok u náajaltik 17 u p’éel u medallasil oro; 24 plata yéetel 26 bronces.
Xak'alutskíinsa'an tumen: Sasil Sánchez Chan
