Maanal 700 wíinik ts’o’ok u kíimil Pakistán, ikil táan u búulul kaajo’ob; yaan uláak’ máak saatal

Úuchik u k’áaxal monzón, k’a’amkach iik’, tu noj kaajil Pakistáne’, tu chukaj 700 u túul kimen máak, desde tu káajbal u temporadail, beey úuchik u ya’alal ti’ u ts’ook datosil oficialesil, ka’alikil áantaj máako’obe’ láayli’ máan u kaxto’ob maanal 100 máako’ob saatalo’ob le martes máanika’, tu jo’oloj búuluk le kaajo’, tu xaman-lak’inil le noj lu’umo’.

Ti’ u ts’ook informeil Autoridad Nacional de Gestión de Desastres (NDMA, yóok’olal bix u k’aaba’ ich inglés t’aane’) a’ala’ab le martes máanika’, ts’o’ok u kíimil 706 máako’ob, yéetel úuch loob ti’ 958, desde le 26 ti’ junio máaniko’.

U kaajil Khyber Pakhtunkhwa leti’e’ tu’ux maas ucha’an loobo’, tumen te’elo’ ts’o’ok u kíimil 427 máako’ob ti’ tuláakal le xoka’an tak walkila’. Beyxan táan u kaxta’al kex 150 wíinik saatal, u ya’abile’ tu kaajilo’ob Buner yéetel Shangla, u chúumukil tu’ux úuch loob le fin de semana máaniko’, ts’o’oke’ táan u kaxta’al u séebkunsa’al ba’al tumen táan u máan k’iin ti’al máaxo’ob saaatal.

Tak walkila’, k’a’amkach cháako’obe’ ts’o’ok u k’askúuntiko’ob 2 mil 934 najo’ob ichil tuláakal le noj lu’umo’, yéetel ts’o’ok u kíimil mil 108 u túul wakaxao’ob, beyxan k’aschaj kex 450 kmsil bejo’ob yéetel 152 puentes, le beetik k’áat u bejil ti’al u k’uchul máak ti’ jayp’éel kaajo’ob.

Ichil xaak’al u beetmaj NDMAe’, u ya’abil ba’ax kíinsik máake’, leti’ u níikil wa u júutul najo’ob, beyxan u séeba’an búulul kaajo’ob.

Máax jo’olbesik NDMA, teniente general Inam Haider, tu ya’alaj ti’ k’a’aytajil tsikbale’ “ma’ ojéela’an” bix kéen máanak k’iino’ob tak tu ts’o’okbal agosto, tumen láayli’ yaan u sajbe’entusl u k’áaxal k’a’amkach cháak.