Chúun tu beel ka’ noj múuch’il xook ichil u noojol lu’umilo’ob México

Tu múuch’il 2° Encuentro Interestatal Zona Sur Palabra Voz, y Mediación Lectora en Yucatán yanchaj múul meyaj yéetel U Jala’achil u noj lu’umil Yucatán, ikil táan u meyaj u mola’ayil Secretaría de la Cultura y las Artes (Sedeculta) ti’al u táakmuk’tik meyajo’ob ku beeta’al ti’al u péektsila’al xook ich kaaj, ba’ale’ beyxan ti’al u kaxta’al ka kuxlak máak ich jets’eknakil.

Múuch’tambal -ts’o’ok le domingo máanika’- chíimpolta’ab tumen Fondo de Cultura Económica (FCE) yéetel Programa Nacional de Salas de Lectura (PNSL) ikil u ts’a’abal u muuk’ mediadoras yéetel mediadores tumen u noj lu’umil Yucatán, ti’al u jats’utstal u yila’al xook, tumen lelo’ jump’éel ba’al unaj chéen ch’a’abil u yantal tu kuxtal wíiniki’.

Yucatáne’ yéeya’ab beey lu’um tu’ux kun úuchul múuch’tambal, tu’ux k’uch maanal 200 máaxo’ob táaka’an ti’ salas de lectura tu noj lu’umilo’ob Veracruz, Chiapas, Tabasco, Campeche, Quintana Roo yéetel Yucatán, je’el bix xan máasewal wíinik ti’ 13 u p’éel estados.

Walkila’, tu noj lu’umil Yucatáne’ yaan maanal 150 u p’éel salas de lectura táan u meyajo’ob; ichilo’obe’ yaan ich ka’ap’éel t’aani’, tu’ux xan ku péektsila’al xook ich maaya ba’ale’ beyxan uláak’ k’a’anan ba’alo’ob ti’ maaya kaaj. Chéen te’el ja’aba’ ts’o’ok u je’ebel uláak’ 30 kúuchilo’ob xook.

Sedecultae’ ts’o’ok u meyaj yéetel máaxo’ob péektsiltik xook ti’al u beetik kaambalo’ob, láak’inaj yéetel áantaj ti’al u yanltal áanalte’ob, je’el bix xan uláak’ k’a’anan nu’ukulo’ob ti’al u béeytal le xooko’.