Ti’al u winalil octubre, tu kaajil Chelem yaan u much’kubáaj 20 máaxo’ob t’anik maaya ti’al u tsikbalta’al ba’axo’ob ku páajtal u beeta’al ti’al u mu’uk’ankúunsa’al t’aan ti’ medios digitales.
Rising Voicese’ táan u k’amik u k’aaba’ máaxo’ob ku tukultiko’ob je’el u táakpajalo’ob ti’ le meyaja’. Unaj maanal 18 u ja’abil máak, ts’o’oke’ unaj xan kaja’an Kaanpech, Quintana Roo wa Yucatán. A’alabe’ ma’ k’a’abéet u yojel máak bix u yúuchul meyaj yéetel tecnología’ mix xan táan u beeta’al jump’éel proyectoi’; tak chéen yéetel u tuukulil ba’ax taak u beetik máake’, ma’alob. U tuukulile’ u béeytal u tsikbalta’al yéetel u tukulta’al ba’axo’ob ku béeytal u beeta’al yéetel bixij, tu’ux ka táanilkunsa’ak u táakpajal kaaj.
Ti’al le meyaja’ ku tukulta’al u k’a’amal máak desde tu k’iinil 6 tak 11 ti’ octubre ti’ jump’éel naj tu kaajil Chelem, tu’ux yaan u ts’a’abal tu’ux u wenel máak, beyxan yaan u ts’a’abal u janalill. U tuukulile’ ka úuchuk meyaj bul k’iin.
Te’el k’iino’obo’, ku tukulta’al u tsikbala’al jejeláas ba’alo’ob yéetel u nu’ukulil tecnología, beyxan u tukulta’al bix je’el u meyajta’al ba’al ti’al u táakmuk’ta’al maaya t’aan, je’el bix xan bix u yúuchul múul meyaj ichil máaxo’ob u k’áato’ob ka mu’uk’anchajak le t’aano’.
Tukulta’an u béeytal u táakpajal 20 máako’ob, ts’o’oke’ xma’ bo’olil. Rising Voicese’ yaan xan u ts’áak áantaj ti’al u béeytal u k’uchul máak tak te’el kaajo’. U ts’ook k’iinil u ts’íibtik u k’aaba’ máake’ 14 ti’ septiembre. Ku béeytal u xak’alta’al uláak’ ba’alo’ob tu kúuchil rising. globalvoices.org. U k’a’aytal máaxo’ob kun táakpajale’ yaan u jóok’sa’al 19 ti’ le winala’.
Máaxo’ob u k’áat u yojéelt uláak’ ba’ale’ ku páajtal u túuxtik ts’íib ti’ lorenzo. [email protected] y sasil.sanchez@ globalvoices.org, wa WhatsApp ti’ 999 747 8656 yéetel 985 111 7678.
Xak'alutskíinsa'an tumen: Sasil Sánchez Chan
