Richard Maxwell táan u meyajtik u kaambalil balts’am tu lu’umil Yucatán

Richard Maxwell juntúul ti’ le máaxo’ob jach k’ajóolta’an ich Transversales Encuentro Internacional de Escena Contemporánea, meyaj káaj tu noj kaajil Jo’ le semana je’ela’. Chúun yéetel jump’éel taller jts’a’ab tumen máax káajs yéetel jo’olbesik New York City Players Company.

Te’el semana je’ela’, tu kúuchil Centro Cultural de la Niñez Yucateca (Cecuny), jbeet balts’am yéetel director experimentale’, tu ts’áaj taller ichil 10 tak 14 horas, xma’ bo’olil ti’al tuláakal máako’ob, je’el ba’axak bíin ku meyajtko’obe’, tu’ux táan u xak’alta’al jejeláas ba’alo’ob yéetel nu’ukulo’ob je’el u meyajo’ob ti’al u yúuchul ts’íib, u belbesa’al wa u beeta’al balts’am. U nooyil meyaje’, teatro de vanguardia.

U yóol meyaje’ jóok’ ti’ u áanalte’ Teatro para principiantes, le beetik te’el meyaja’ ku kaxta’al u na’ats’al máak ti’ u meyajil balts’am, tu’ux ka káajak ba’al tu’ux mina’an mix ba’al, ka’alikil u kaxta’al u yutsil xak’alta’al u péek ba’al, t’aan yéetel u muuk’il máax ku chíikpajal.

Tallere’ maases u ti’al máaxo’ob beetik balts’am u k’áato’ob u xak’alt bix u yúuchul le meyajo’. Ku tsikbalta’al bix u chíikbesa’al ba’al te’el balts’amo’, tumen yaan k’iine’ u maas p’íitkunsa’al ba’ale’ maas ya’ab ba’al ku ye’esik.

Richard Maxwell kaja’an Nueva York, jts’íib residente New Dramatists. síij tu kaajil West Fargo, Dakota del Norte, u meyaje’ káaj Steppenwolf Theatre Company. Ka’alikil táan ka’ach u meyaj Chicagoe’, káaj u jo’olbesik Departamento de Teatro ti’ u Condadoil Cook.

U ts’íibtmaj ka’ap’éel áanalte’ob: Obras de teatro: 1996-2000, jóok’sa’ab tumen Theatre Communications Group, yéetel Teatro para principiantes, jóok’ tu ja’abil 2015.

Encuentro Internacional, táan u beeta’al tumen Secretaría de la Cultura y las Artes (Sedeculta), múul meyajta’an yéetel Teatro Línea de Sombra, reúne a: Táan u mu’uch’ul jejeláas máak meyajtik balts’am ti’ u lu’umilo’ob México, Francia, Canadá, España, Chile yéetel Estados Unidos. Tukulta’an u ts’o’okil 4 ti’ octubre.