de

del

U mola’ayil Microsoft táan u beetik u tsikbalil ti’al u páajtal u manik u áaplikasionil TikTok, ku meyaj Estados Unidos, Le je’ela’, jump’éel nu’ukbesaj tu’ux ku na’aksal kóom cha’ano’ob yéetel ti’alinta’an tumen chiino’ilo’ob; ba’ale’ walkila’ juntúul máak naats’ yanik ti’ tsikbal táan u yantale’, tu ya’alaj bine’, le ba’ax ku tukulta’al u beetchajala’ táan u beetik u yantal chi’ichnakil tumen ma’ ojéela’an bix ken kaláanta’ak ba’al tu yóok’lali’ mix xan tak tu’ux ken béeyak u k’a’aytal ba’ali’.

Máake’ t’aanaj yóok’lal jayp’éel ba’al u yojel yóok’lal chéen ba’axe’ tu k’áataj ma’ u ya’alall u k’aabai’ tumen k’a’anan ba’al le ku tsikbalta’alo’.

Wa ka k’uchuk u béeykunsa’al ba’ax ku tsikbalta’ale’, nojba’al ti’al tu ka’ap’éel mola’ayo’ob, ti’al beyo’ u páajtal u káajal u chikpajal Microsoft Corp ti’ redes sociales, yéetel ti’al xan u chan jéets’el u yóol TikTok yéetel mola’ay tu’ux siijil ByteDance, tumen leti’ ba’ax u k’áat jala’ach Donald Trump.

Jala’ach Trumpe’, tu ya’alaj le viernes máanika’ yaan u yilik ba’ax ken u beetej ba’ale’ yaan u k’alik u beel Tik Tok ti’al ma’ u cha’abal u k’a’abéetkunsa’al te’e noj lu’umo’. Ka’aj t’aanaj jala’ache’ ti’ yaan ka’alikil ti’ yaan yóok’ol Air Force One úuchik u ts’a’abal k’jaóoltbil ts’íibo’ob tu’ux ku ya’alal ti’ u chinail mola’ay ByteDance tumen u jala’achil Estados Unidose’ k’a’anan u konik TIkTok.