Meyaje’ táan u kaxtik ka su’utuk tuláakal u meyaj Lorca ich maaya t’aan

Jump’éel meyaj táan u péektsilta’al tumen u Ayuntamientoil Fuente Vaqueros, yéetel U Jala’achil U Noj Lu’umil Yucatáne’, táan u kaxtik ka su’utuk tuláakal u ts’íibo’ob Federico García Lorca ich maaya. Lela’ yáax juntéen kun beetbil tu yáam jump’éel múul meyaj je’ets’ ichil le ka’ap’éel mola’ayo’obo’. 

U tuukulile’ ka béeyak u k’ajóolta’al u meyaj jts’íib tu no lu’umil México, tumen u chíikulal k’eex tuukul, jáalk’abil yéetel u kaláanta’al u páajtalilo’ob wíinik, beey k’a’aytabik tumen Ayuntamiento ti’ k’a’ayta tu beetaj. 

Múul meyaje’ ku táakbesik le 106 u p’éel méek’tankaajo’ob yaan tu lu’umil Yucatán. Tukulta’an xan u beeta’al Premio Internacional de Trayectoria

Literaria, u colección k’aay tuukul ich ka’ap’éel t’aan yéete tak u ka’ beeta’al u cha’anil Festival Intercultural Prisma Lorca.

Junmúuch’ ajmeyajo’ob ti’ u jala’achil u noj lu’umil Yucatáne’, ts’o’ok u xíimbaltiko’ob granadinoil kaaj ti’al u beetchajal le meyajo’ob tukulta’an ichil le ka’ap’éel kaajo’obo’.

Yáax juntéen ken su’utuk tuláakal u meyaj Federico García Lorca ich maaya t’aan.

U jo’olpóopil Fuente Vaqueros, José Manuel Molino, ts’o’ok u ya’alike’ yaan u yóol u mu’uk’ankúunsik miatsil ichil le ka’ap’éel kaajo’obo’.

Xak'alutskíinsa'an tumen: Sasil Sánchez Chan