Chochobkil úuchik u yu’ubal u pa’axal rock tu noj kaajil Jo’ ichil u k’iimbesajil Carnaval

U múuch’ paaxil Caifanes, k’ajóolta’an tumen ku beetik u juum rock tu noj lu’umil México, jo’olbesa’an tumen Saúl Hernándeze’, ki’ paaxnaj tu yáak’abil le sábado máanika’, ts’o’oke’ cho’obanaji tumen maanal 40 mil máako’ob k’uch ti’al u yu’uba’alo’ob tu kúuchil Centro de Espectáculos Montejo. Tu táan le beyka’aj máako’obe’, tu múul k’ayo’ob La Célula que Explota, Viento yéetel Aquí no es así, Beyo’, béeychaj u ye’esiko’obe’ láayli’ jats’uts u yu’ubal u k’aayo’ob tumen yucataanil kaaj.

U k’iimbesajil Circo Carnaval tu noj kaajil Jo’ u ch’a’amaj k’áak’ tak walkila’. Káaj le 11 ti’ febrero máaniko’ yéetel yaan u ts’o’okol tak tu k’iinil 18. Táan u beeta’al u desfiilesil, beyxan yaan uláak’ múuch’ paaxo’ob kun táakpajali’, je’el bix Jessy y Joy.

Ti’al le k’iin lunesa’ yan u beeta’al u desfileil réejional, ts’o’oke’ áak’abe’ yaan u yantal u yóok’otil váakeria.