Reuters y Afp
Yáax ministroil libanés, Hassan Diab, tu k’a’aytaj le lunes máanika’ u jáawal u múuch’il máako’ob máax yéetel le ku beetik u meyajil jala’ach, úuchik u jach “tíita’al” lu’um ka’aj wáak’ ba’al tu jáal ja’il Beirut.
Máax beetik u jefe jala’achile’, tu ts’áaj u kuuch máaxo’ob beetik úuchben política tumen leti’ob beet u k’astal u meyaj, ts’o’okole’ tu ya’alaj “corrupción” beey u “wáak’al ba’al te’e noj kaajo’”. “Walkila’, tu ts’áaj k’ajóoltbile’ yaan u jáawal u meyaj u múuch’il máako’ob yano’ob yéetel ichil u jala’achil”, beey tu ya’alaj ti’ jump’éel tse’ek k’a’aytab tu táan libanesilo’ob.
Te’e noj kaajo’ wáak’ 2 mil tóoneladasil nitrato de amonio líik’sa’an ka’ach ti’ jump’éel kúuchil. Úuch tu k’iinil 4 ti’ agosto máanika’, ts’o’okole’ jkíim kex 158 u túul máak yéetel tu beetaj loob ti’ maanal 6 mil u túul uláak’o’ob.
Beyxan tu k’askúuntaj maanal ti’ u chúumukil le noj kaajo’ yéetel tu beetaj u péek ba’al ichil política yéetel xan ti’ bix u beeta’al u suut taak’in, beyxan tu beetaj u ja’ajtsikubáaj máaxo’ob ku meyajo’ob ti’ jala’ach.
Jministro Hassan Diab tu ya’alaje’, ku chíimpoltik ba’ax táan u ya’alal tumen libanesilo’ob ti’al u ma’achal máaxo’ob “beet loobilaj” ti’al u ts’a’abal u kuucho’ob.
Diabe’ tu k’a’aytaj u xu’ulul u múuch’il meyaj -jmu’uch’ tu winalil enero máaniko’ yéetel táakmuk’ta’ab tumen u múuch’il Hezbolá, mu’uk’anchajan xan tumen Irán- úuchik u yilkubáajo’ob, tu’ux t’aanaj ya’abach ti’ le ministroso’obo’ ti’al u ya’aliko’ob taak u p’atiko’ob u meyajo’ob.
Edición: Ana Ordaz