Bejo’obe’ jchu’up yéetel ko’olel k’áat óoltik ka yanak justiisyáa

Ya’abach múuch’ ko’olel jóok’ tu bejil noj kaajo’ob yaan tu noj lu’umil México, yéetel yóok’ol kaab, ti’al u chíikbesik u tuukulo’ob, yóok’olal ba’ax ku yúuchul yéetel machiistáa lobilaj yóok’ol ko’olel yéetel xch’úupalal; awato’ob, ts’íibo’ob yéetel k’aayo’obe’, chéen jayp’éel ti’ le ba’axo’ob k’a’abéetkunsa’ab ti’al u ts’a’abal ojéeltbil tak poolo’ob yóok’ol máax beetik sexual loobilaj, je’el bix xan tumen ma’ táan u jach péek jo’olpóopo’ob tu táan le k’aasil ba’alo’obo’; beyxam tu k’áatajo’ob ka yanak justiisyáa ti’al máaxo’ob tu’ux ka pakta’ak wa ka na’ata’ak u yóol ko’olel, je’el bix xan ka chíikbesa’ak kéen óota’ak kíinsbil ko’olel, beyxan u su’utul tuláakal máaxo’ob saatal yéetel ka xu’ulsa’ak íimperialiismóo beyxan u seten kíinsa’al máak Gaza.