de

del

Foto: Roberto García

Fabiola Palapa, Mónica Mateos-Vega y Carlos Paul

Le martes máanika’, je’ek’abta’ab tuka’atéen u joolil kúuchilo’ob cha’an wa museos tu noj kaajil Ciudad de México; óoli’ jo’op’éel winal ts’o’ok u máan úuchik u k’a’alalo’ob yóok’lal u pak’be’en k’oja’anil COVID-19.

Ichil kúuchilo’ob je’ek’abta’abe’ ti’ yaan: Antiguo Palacio del Ayuntamiento, u yóoxp’éel kúuchilo’ob Museo Soumaya, tu’ux k’a’am máak ichil las 10 tak las 5 tu táal u chíinik k’iin, ts’o’okole’ chéen ku páajtal u chu’upul 30 por ciento ti’ tuláakal le beyka’aj máak ku páajtal u yokoli’.

Beyxan féederal kúuchilo’ob Arte Moderno, Rufino Tamayo yéetel Sala de Arte Público Siqueiros. Le uláak’ feéderal kúuchilo’ob, je’el bix Instituto Nacional de Antropología e Historia, yaan u je’ebelob le ken je’ets’ek “bix yanik semáforos estatales”, beey úuchik u ts’a’abal k’ajóoltbil tumen Secretaría de Cultura ti’ u lu’umil México. 

Universidad Nacional Autónoma de México (UNAM) ma’ u k’a’ayt ba’ax k’iin ken u je’ek’abt tuka’atéen u kúuchilo’obi’.

Máax k’a’aytik péektsilo’ob tu mola’ayil Secretaría de Cultura federal, Antonio Martínez, tu ya’alaj u kúuchil Palacio de Bellas Artese’ “táan u ts’o’okol u tso’olol tu beel u ye’esajil Modigliani. Sáasil yanik yaan u je’ebel. Beyxan ti’ uláak’ kúuchilo’obe’ táan xan u k’e’exel wa u tso’olol e’esajilo’ob”.