Tu kaajil Tehuantepec, Oaxaca, u jala’achil u noj lu’umil México, Claudia Sheinbaum Pardoe’ tu ts’áaj k’ajóoltbil u ju’unil u páajtalil ko’olelo’ob sut ts’íibta’an ichil 69 jejeláas t’aano’ob ti’ 67 máasewal t’aano’ob lela’ yaan u t’o’oxol ichil tuláakal mejen kaajo’ob, beeyxan tu ya’alaj k’a’abéet ka beeta’ak uti’al ka máansa’ak ti’ radios comunitarias, yéetel xan tu ya’alaj ka beeta’ak uláak’ sut t’aano’ob ich máasewal t’aano’ob je’el bix áanalte’ob, áanalte’ uti’al mejen paalal, u suta’al ts’íibo’ob ich máasewal t’aano’obe’ ku chíimpoltik u meyaj ko’olelo’ob bey noj xsut t’aano’obe’.
“Bejla’e’ k-chíimpoltik u sut ts’íibil u Páajtalil Ko’olelo’ob ichil 67 máasewal t’aano’ob ti’ 69 jejeláasil t’aano’ob.
Ma chéen ch’a’abil u kaxta’al tuláakal ko’olelo’ob ku t’aniko’ob le jejeláas máasewal t’aano’ob uti’al u beeta’al le sut ts’íiba’, ba’ale’ u beeta’al sut ts’íibe’ ma’ chéen u suta’al junjump’eel ti’ le masak’ woojo’obo’, tumen ku suta’al jump’éel tuukul.
U páajtalil u kaambal wíinike’ ma’ je’el bix u ya’alal ich kasteláan t’aane’ bey ku a’albil ich jump’éel máasewal t’aane’ ich zapoteco t’aan, ich mixteco wa ich náhuatl. K’a’abéet u tsikbata’al ba’ax u k’áat u ya’al le je’elo’. Máax ka’ansik le t’aano’, ko’olelo’ob.
Xak'alutskíinsa'an tumen: Sasil Sánchez Chan
