¡Yaan máax k’a’abéet u ya’alik u jaajil! ku núukik Miroslava Breach, juntúul x-corresponsal ti’ La Jornada tu estadoil Chihuahua, ti’ máaxo’ob k’áatik ti’ u xma’ saajkilil uti’al u ts’íib tu yo’olal u loobilta’al u páajltal wíinik, narcotráfico, política yéetel u kíinsa’al ko’olelo’ob chéen tumen ko’olelo’ob ti’ jump’éel u estadoil maas nojoch ti’ México, u maas ya’abil u k’áaxil.
U xma’ saajkilile’ tu beetaj u ts’áak k’ajóoltbil tu wináalil marzo tu ja’abil 2026 le banda ku k’aaba’tik Los Salazar, lela’ u jaatsil cártel ti’ Sinaloa, tu yoksuba’ob ichil u listail candidatosil u partidoilo’ob PRI yéetel PAN uti’al le yéeyaj ku yantal óoxp’éel wíinal paachil k’iino’. Jump’éel ja’ab paachile’, tu k’iinil 23 ti’ marzo tu ja’abil 2017, máaxo’ob yaan ichil Los Salazar tu kíinsajo’ob.
En español: Reclaman justicia a nueve años del asesinato de Miroslava Breach, corresponsal de 'La Jornada' en Chihuahua
Bejla’e’ bolon ja’ab kíinsa’ak u reporterail La Jornada yéetel xane’ je’el bix u ya’alik le xaak’al ku beetik Fiscalía General de la República (FGR), tu binetik u macha’al máaxo’ob beetej, u k’aaba’obe’ José Crispín Salazar Zamorano, beeyxan El Tío Pin yéetel Wilbert Jasiel Vega Villa.
Xak'alutskíinsa'an tumen: Sasil Sánchez Chan
