Ya’abach máako’ob jóok’ xíimbal tu bejilo’ob u noj kaajil Jo’, le sábado máaniko’, ti’al u chíikbesa’al Marcha de la Diversidad Sexual 2026, tu’ux ku tóoch’ta’al orgullo, yéetel ti’al xan u líik’sa’al u juumil t’aano’ob kaxtik ka xu’uluk u péech’óolal beyxan ti’al u ch’éenel u p’ekta’al wa u loobilta’al LGBTTTIQ+ kaaj.
Noj xíimbal beeta’abe’, káaj Monumento a la Patria yéetel k’uch tak tu k’íiwikil Plaza Grande, tu’ux k’a’am tsikbalta’ab jejeláas ba’ax u máansmaj le jaats kaajila’, yéetel beeta’ab uláak’ jayp’éel artístico e’esajilo’ob.
Te’el súutuko’, táakpaj u múuch’kabilo’ob kaaj, baatsilo’ob, beyxan le yano’ob ich u Ayuntamientoil Jo’, yéetel u Jala’achil u lu’umil Yucatán.
Beyxan, jach chíikpaj u múuch’il Cuirs Anti Cistema, máaxo’ob yaan tu líik’saj u t’aano’ob ti’al u k’áatiko’ob ka xu’uluk kiinsajtáambal táan tu noj kaajil Gaza.
Xak'alutskíinsa'an tumen: Sasil Sánchez Chan
