U k‘a‘ajsa‘al tu lu’umil México u séentenarioil úuchik u síijil jboon, jpóol meyaj, jwooj yéetel j-éesenografóo síij tu lu’umil Jalisco, Juan Soriano, yaan u beetik u múuch’ul ya’abach mola’ayo’ob yéetel meyajo’ob, je’el bix u jóok’sa’al u ju’unil lóoteria yéetel jump’éel u meyaj, beyxan e’esajilo’ob, tsikbalo’ob ti’ Internet yéetel performances.
Sorianoe’, síij tu k’iinil 18 ti’ agosto ti’ u ja’abil 1920, tu lu’umil Guadalajarae’, jkíim Ciudad de México tu k’iinil 10 ti’ febrero ti’ u ja’abil 2006.
K’iimbesaje’ yaan u káajal le ken jóok’sa’ak jump’éel u ju’unil lóoteria tu’ux jts’a’ab u yoochel El pez luminoso (1956), meyaj táaka’an ichil múuch’ ti’alinta’an tumen u kúuchil Museo de Arte Moderno (MAM). Jun jaats ti’ le meyajo’obo’ rifáartabo’ob jo’oljeak tu kúuchil Salón de Sorteos de la Lotería Nacional.
Jach yanchaj u muuk’ u meyaj Soriano ichil u ka’a búuj u sigloil XX yéetel tu káajbal XXI.
Walkila’, meyajo’obe’ yaan u beetik u núup’ul u kúuchilo’ob Instituto Nacional de Bellas Artes y Literatura (Inbal), Morelense de Arte Contemporáneo en Cuernavaca yéetel Soumaya tumen beey páayt’anta’abob meyaj tumen Secretaría de Culturatu lu’umil México, tu k’aaba’ Inbal.
Edición: Ana Ordaz
