U tojol u yokol máak cha’an Mundiale’, ko’oj. U ma’anal vuelos ti’al u kóojol wíinik Norteaméricae’, ko’oj. Ts’o’oke’ tak u ma’anal cervezae’, ko’oj.
Yaan jayp’éel ofertas ti’al u ma’anal janal yéetel ti’al u ma’anal ba’al uk’bil tu kúuchilo’o btu’ux ku cha’antal Mundial maas chan ma’alob, ba’ale’ yaan k’iine’, ko’oj xan. Tu noj kaajil Miamie’, u chan bandejail tater tots (beeta’an yéetel papas) yéetel caviare’ ku tojoltik 75 dólares, yéetel kex 40 jump’éel empanada kex 5 libras u aalil (2.2 kilogramos). Yaan u tacosil u bak’el rib-eye ku tojoltik 8 dólares ku ko’onol Guadalajara, México, yéetel jump’éel ba’al ku k’aaba’tik Twinkie cheeseburger, ba’ale’ ma’ de postrei’, ku tojoltik 22 dólares tu kaajil Los Ángeles.
U tojol le ba’axo’ob ku ko’onolo’, ya’abach juntéenake’, ma’ jach náach ku máan ti’ le bajux je’el u bo’ota’al ti’al u ma’anal wa ba’ax tu k’iinil domingo kéen yanak NFL tu noj lu’umil Estados Unidos, wa tu k’iinil sábado tu’ux yaan futbol americano universitario. Ba’ale’ yaan jaytúul máaxo’ob uts tu yich cha’an ma’ suuk u bo’otiko’ob ya’abach taak’in yóok’olal le ba’alo’obo’, le beetik tu líik’saj u juum u t’aano’ob tumen jach ko’ojchaj ba’al, tak u tojol cerveza, tumen tak maanal 20 dólares ku yantal u bo’ota’al.
En español: CDMX tendrá 'ley seca' en zona centro durante partido México vs. República Checa: Aquí las calles
Thomas Schüller, juntúul ingeniero j alemaniail ti’ yaan ka’ach Toronto ti’al u cha’antik u báaxal Alemania le fin de semana máaniko’, tu ya’alaj u yo’och cervezae’ tu tojoltaj 24.25 dólares canadienses (kex 17 dólares wa 15 euros) ts’o’oke’ “Ma’ utsi’. Ma’ patal ba’ali’.
Maanal óoxtéen u tojol keetel yéetel in kaajal”.
-Ba’ale’, lelo’ ku beetik wáaj a luk’uli’. “U jaajile’, ma’,” tu y’alaj Schüller.
U tojol le ba’axob ku ko’onole’ ku ja’ak ’sik u yóol máaxo ’ob ku bin cha’an Mundial, u ya’abile ’ leti ’e ’ ba’axo ’ob ku ko ’onol ti ’al jaantbil.
Tu noj lu’umil Europae’ ku ko’onol te’el estadioso’ kex a 4 wa 5 euros (lelo’ kex 5 wa 6 dólares).
Xak'alutskíinsa'an tumen: Sasil Sánchez Chan
