de

del

Kaxta'ab 30 u túumben jejeláasil xma' baakel ba'alche'ob tu petenil Galápagos

Descubren 30 nuevas especies de invertebrados en Ecuador
Foto: Afp

Te’e k’iino’oba’ ila’ab yaan 30 túumben u jejeáasil ba’alche’ob, je’el bix langostas yéetel corales. Le je’elo’oba’ ti’ j-ila’abob tu kanan ja’il archipiélago ecuatorianoil Galápagos, beey tu ts’áaj k’ajóoltbil u kúuchil Parque Nacional Galápagos.

Ichil ba’alche’ob kaxta’abe’ ti’ yaan kamp’éel u jejeláasil langostas okupa, jump’éel u jejeláasil coral copa gigante, lajunp’éel u jejeláasil corales de bambú, óoxp’éel u jejeláasil octocorales, jump’éel u jejeláasil estrella de mar quebradiza yéetel bulukp’éel u jejeláasil esponjas, beey úuchik u ya’alal te’e k’a’aytajil ts’íib jbeeta’abo’.

Beyxan kaxta’ab le yáax coral blando solitario gigante ichil u ja’il Pacífico Tropical Oriental, beey úuchik u ts’a’abal k’ajóoltbil xan ti’ uláak’ jump’éel k’a’aytajil ts’íib beeta’ab tumen Fundación Charles Darwin (FCD), máax much’ tuláakal mola’ayob jbeet xak’al xook.

“Xaak’al xook táan u beeta’ale’ yaan u ts’áak u páajtalil u yojéelta’al túumben ba’alo’ob ti’ ba’alche’ob yéetel kuxtal kuxa’ano’ob tu taamil u k’áak’nab u petenil Galápagos, tumen ya’ab ba’al ma’ ojéela’an yóok’lalo’obi’”, beey úuchik u ya’alik u jxak’al xookil k’áak’nab Pelayo Salinsa de León, máax ku meyaj ti’ FCD yéetel ti’ National Geographic Pristine Seas, máax jo’olbes xak’al xook beeta’ab.