Paraguaye’ tu k’exaj u noj keetil Mundial 2026 úuchik u béeykunsik 4-3 tu keetil penales -tunen kéet p’áat 1-1 ichil u súutukil báaxal- tu táan u kantéen campeónil Alemania, ti’al beyo’ u béeytal u yokol octavos de final, tu súutukil úuchik u báaxta’al partido tu kúuchil estadio Boston.
Ichil u múuch’il Alemaniae’ ma’ béeychaj u yoksa’al gol tumen Kai Havertz, Nick Woltemade yéetel Jonathan Tah; je’elsa’ab u ko’ochabo’ob tumen t’a’aj jparaguayil portero Orlando Gill. Ka’alikil ti’ le uláak’ tséelilo’, ich Paraguaye’, ma’ oksa’ab gol tumen Antonio Sanabria yéetel Fabián Balbuena.
J paraguayilo’obe’ tu jets’aj u báaxalo’ob je’el bix ts’o’ok u yúuchtal suukak u beetik, tumen beey u béeykunsmaj báaxal ichil noj keetilo’ob fútbol, le beetik béeychaj u mu’uk’a’an wa’atal tu táan Alemania.
Guaraní múuch’ báaxale’ tu kanaj u na’at bix u ch’a’anuktik kéen óota’ak oksbil gol ti’, le beetik yáax j lúub gol tu minutoil 42, kóochabta’ab tumen Julio Enciso úuchik u máansa’al le bola ti’o’ tumen Matías Galarza.
En español: Hazaña guaraní: Paraguay elimina a Alemania en penales y hace historia en el Mundial 2026
Tu ka’ chúumukil báaxale’, tu súutukil táan u kóocha’ak’ Mannschafte’ béeychaj u k’uchul tu portería le uláak’ múuch’o’ tak ka’aj béeychaj u yoksa’al gol tumen Kai Havertz.
Beey túuno’, ka’aj báaxta’ab tiempos extrase’, Jonathan Tah tu k’olaj yéetel u pool le balóno’ ka’aj ook gol, ba’ale’ tu jo’oloj xak’alta’ak tu beel VARe’ j tse’elij úuchik u beeta’al falta tumen Waldemar Anton yóok’ol portero Orlando Gill.
Xak'alutskíinsa'an tumen: Sasil Sánchez Chan
