Máaxo’ob ts’o’ok u kíimil úuchik u tíitikubáaj lu’um Venezuelae’ ts’o’ok u chukik 2 mil 295, beey úuchik u ts’a’abal k’ajóoltbil le miércoles máanika’ tumen Jorge Rodríguez, máax jo’olbesik Asamblea Nacional de Venezuela.
Beyxan, yaan kex 11 mil 267 máax ti’ j uch loob yéetel ts’o’ok u jóok’sa’al kex 6 mil 461 wíinik tu yáamil le seten ba’axo’ob j níiko’obo’, tu tsikbaltaj Rodríguez úuchik u t’aan ti’ televisión.
Wa lk i la’ ta’ayta’ak u xo ’ot ’o l meya jo ’ob t i ’a l u kaxta’a l wí in ik láayl i ’ kuxa’an tu yáam le ba’a lo ’obo ’, tu jo ’o lo j jump ’é e l s emana p é eknak lu ’um.
En español: Suman 2 mil 295 muertos por sismos en Venezuela y 6 mil 461 personas han sido rescatadas
Máax ti ’ k ’ubéenta’an u meyaj il jala’ach Venezuelae ’, Delcy Rodríguez, tu jets ’aj le miércoles máanika’, ka yanak ukp ’éel u k ’iinilo ’ob duelo nacional ti ’al “u chíimpolta’al u k ’ajla’ayil máaxo ’ob j sa’at u kuxtal”, beey tu k ’i ’itbesaj ti ’ Telegram.
Yaan kúuchilo’ob tu’ux chéen ch’eench’enkil walkila’, tu baantail Catia La Mar, jump’éel balneario yaan tu jáal ja’il La Guaira, u chuun tu’ux péeknaj lu’um yéetel u chichil 7.2 yéetel 7.5 le 24 ti’ junio máaniko’.
Ya’abach kúuchilo’ob j níike’, walkila’ marcarta’an yéetel letra D yóok’olal u t’aanil “deceased” (kimen), yéetele’ ku je’ets’el ts’o’ok u xak’alta’al kúuchil ti’al u kaxta’al kuxa’an máak, beey jets’a’an unaj u beeta’al kéen úuchuk k’aasil ba’alo’ob je’el bix le je’elo’.
“Yu’uyuch’ u puksi’ik’al Venezuela úuchik u sa’atal u kuxtal ya’abach máako’ob”, tu ts’úubtah xjala’ach Rodríguez.
Kex tumen jala’ach ma’ u k’áat u jach a’al jaytúul máak saatale’, ku ya’alik le k’iin péeknaj lu’umo’, yaan kex 30 mil máako’ob La Guaira; ti’ le je’elo’obo’ 6 mil 461 u túulale’, béeychaj u yáanta’alo’ob yéetel maanal 13 mile’ jóok’ tu juunal wa áanta’ab tumen uláak’ máako’ob. U yalabilo’, ma’ ojéela’an tu’ux ts’oka’ano’obi’.
Xak'alutskíinsa'an tumen: Sasil Sánchez Chan
