Ya’abach máako’ob ku meyajo’ob ti’ u noj kúuchil tu’ux ku ts’a’akal ébola tu xaman-lak’inil República Democrática del Congo tu k’a’aytajo’ob le lunes máanika’ táan u huelgaob tumen ma’ bo’ota’ak ti’ob u meyajo’obi’, mix xan ts’a’abak ti’ob bonificacionesi’.
Desde u winalil mayoe’, República Democrática del Congo táan u ts’aatáantik u túumben pak’be’en k’iino’ob yaan yóok’olal le viruso’, ts’o’oke’ kúuchilo’ob tu’ux ku controlarta’al yéetel u kúuchilo’ob Prevención de Enfermedades de África tu ts’áajo’ob k’ajóoltbil le semana máaniko’, u k’iinilo’ob pak’be’en k’oja’an ébola yaan walkila’ leti’e’ maas jach nojoch ts’o’ok u yantal te’el continenteo’.
Ichil máaxo’ob ku meyaj Hospital General de Rwampara, tu méek’tankaajil Ituri, ti’ yaan epidemiólogos, máaxo’ob xak’altik le casoso’obo’, conductoro’ob yéetel muknáalo’ob, leti’obe’ ku ya’aliko’ob ma’ bo’ota’ako’ob tumen u jo’olpóopilo’ob Congo.
U najil ts’akyaje’ jk’a’al tumen máaxo’ob tu káajso’ob le huelgao’, ts’o’oke’ k’ala’ab xan noj bej ku k’uchul tak te’el kúuchilo’.
En español: RD del Congo eleva a 600 el número de muertos por el brote de ébola y detecta casos en una cuarta provincia
Yaan jaytúul ajmeyajo’ob te’el kúuchilo’, beyxan uláak’o’ob tu káajsajo’ob huelga le semana máako’, tumen tu ya’alajo’ob jo’opóopo’obe’ ma’ u bo’oto’ob desde ka ka’ tóop’ le pak’be’en k’oja’anilo’.
Tak walkila’, yaan mil 926 u p’éel casos te’el noj lu’umo’; ti’ le je’elo’obo’ táakbesa’an 702 u túul máaxo’ob ts’o’ok u kíimil tu yóok’olal, je’el bix a’alabik tumen u jo’olpóopilo’ob Congo.
Be ey túuno ’, máax jo ’o lb es ik OMS , Tedros Adhanom Ghebreyesus , tu k ’a’ayta j t i ’ X le lunes máan ika’, ts ’o ’ok u yanta l u láak ’ juntúu l estadosun idos i l , juntúu l human itar io jmeya j t i ’ u lak ’ in i l Congo e ’ máax t i ’ jtsa’ay ébo la , yancha j b in u b i insa’a l A leman ia . Yáax estadosun idos i l máax t i ’ jpáak ’e ’, juntúu l jts ’akya j táan ka’ach u meya j Congo t i ’ yáax s emanas i l ka káa j pak ’b e ’en k ’o ja’an .
Xak'alutskíinsa'an tumen: Sasil Sánchez Chan
