Elsa Aguirre (1930-2026), juntúul u noj chíikulal u k’iinilo’ob Época de Oro ichil u meyajil cine tu noj lu’umil México, velarta’ab tu funerariail Gayosso tu noj kaajil Morelos, tu jo’oloj sa’atak u kuxtal tu yáak’abil martes 14 ti’ julio, tu taanaj.
U restose’ bejla’a’ 16 ti’ julio u cremarta’ale’ Ka’ap’éel oochelo’ob tu’ux ku chíikpajal Elsa Aguirre tu k’iinil xlo’obayan ka’alikil u che’ej béeychaj u yila’al tu ka’ tséelil u ataud, ts’o’oke’ piixil yéetel jump’éel chak nook’ de terciopelo.
Ti’al u sáasbal miércoles 15e’, káaj u kóojol u láak’tsilo’ob tak funeraria p’aatal yóok’ol u bejil Domingo Diez.
Ichil máaxo’ob j k’uche’ ti’ yaan u sobrino Luis Aguirre; beyxan u yéet meyajo’ob, u amigos, yéetel u jeel máako’ob.
K’uch xan Mauro Godoy, juntúul u jach amigo yéetel kantúul u enfermeraob tu láak’intajo’ob tu ts’ook k’iino’obo’, tu ya’alo’ob Elsa Aguirre’ jach jeets’el u yóol ka kíimij. Kex las 22:30 ti’ u k’iinil martes ka j binij.
En español: Elsa Aguirre, ícono del cine mexicano, es velada en una funeraria de Cuernavaca
Ti’ yaan ka’ach tu taanaj yaan Cuernavaca. Ti’ x actriz de 95 u ja’abile’ j tsa’ay ti’ neumonía, ka’aj p’áat sajbe’entsil u kuxtal yóok’olal u pulmones. Ba’ale’, máaxo’ob jach naats’ ti’e’ tu ya’alo’obe’, j kíim tumen yanchaj uláak’ talamilo’ob ti’ u toj óolal ba’ale’ láayli’ yaan ba’al u yil yéetel u ja’abil.
Godoye’ tu ya’alaj Elsa Aguirree’ juntúul ti’ u ts’ook máako’ob p’aatal ka’ach ichil máaxo’ob k’ajóolta’ab tu k’iinilo’ob Época de Oro ichil u cine meyajta’ab México. Juntúul ki’ichpan ko’olel, beyxan jach uts tu meyajtaj cha’ano’ob.
Ichil cha’ano’ob maas ma’alob u yila’al tumen Aguirree’ ti’ yaan Algo flota sobre el agua, tu ya’alaj Godoy. Beyxan tu tsolaje’, u k’aayil Flor de Azalea, j beeta’ab tumen Manuel Esperón ti’al le cha’anil je’elo’, jach táaj jats’utschaj u yu’uba’al tumen Elsa Aguirre’.
Beyxan tu k’a’ajsaje’, u k’aayil De mis labios a tus ojos, j beeta’ab tumen Elsa, je’el bix xan u videoclipil, ichil uláak’ noj meyajo’ob tu beetaj.
Xak'alutskíinsa'an tumen: Sasil Sánchez Chan
