K'iintsil
La Jornada
18/08/2026 | Ciudad de México
Yáax juntéen úuchik u chíikpajal, ichil u mediail yóok’ol kaabe’, táanilchaja’an redes socialese’ ti’ televisión ti’al u yojéeltik máak péektsilo’ob -wa noticias- yóok’ol u 54 por cientoil, beey úuchik u chíikpajal ich Digital News Report 2026, tu’ux ch’a’anukta’ab k’áatchi’ beeta’ab ti’ 48 u p’éel mercados globales, tu’ux chíikpaj séeba’an u bin u k’expajal bix suuk u beetik máak ti’al u yojéeltik péektsilo’ob, tumen táan u bin u mu’uk’anchajal u plataformasil video, inteligencia artificial yéetel máaxo’ob beetik contenido.
Tu lu’umil América Latina ts’o’ok u chan máan jayp’éel ja’abo’ob k’éexek ba’al, ba’ale’ le bix yanik ba’al walkila’ ku ye’esike’ jach chich u bin u p’íitchajal máax ku yokol sitios web yéetel u aplicacionesil péektsilo’ob: ti’ u ts’ook jo’op’éel ja’abo’obe’, u cha’ata’al ba’al ti’ u portalesil mediose’ éem 12 puntos ichil tuláakal yóok’ol kaab, ka tu chukaj túun 51 por ciento.
U cha’ata’al péektsilo’ob ti’ videoe’ láayli’ u bin u ya’abtal u cha’anta’al, tumen u 77 por ciento máaxo’ob ilike’ ku ya’alik ku cha’antik videos tu’ux ku k’a’ayta’al péektsilo’ob lalaj semanas, le je’el túuno’ ku beetik u yantal túumben récords ti’ lationamericanoil kaajo’ob, je’el bix Perú (94 por ciento) yéetel Argentina (83 por ciento). Ba’ale’, u maas ya’abtal u cha’anta’al plataformas socialese’ maas ya’ab u beeta’al ti’ kúuchilo’ob je’el bix TikTok, YouTube yéetel Instagram, ka’alikil u cha’anta’al péektsilo’ob ti’ u webilo’ob noticiase’ éem 10 puntos ichil le ts’ook jo’op’éel ja’abo’obo’.
Beey túuno’, confianza ku yantal kéen cha’anta’ak péektsilo’obe’ p’íitchaj 37 por ciento, tumen jach chíika’an úuchik u yéemel Perú (-8 por ciento), Colombia (7 por ciento) yéetel Brasil beyxan Argentina (6 por ciento). Ba’ale’, confianza jts’a’ab chéen ti’ wa jayp’éel marcas periodísticas suuka’an u yu’ubale’ láayli’ mu’uk’a’an yanik.
Tu lu’umil Méxicoe’ chéen 20 por ciento ti’ le máaxo’ob u’uyik péektsilo’obe’ maas ma’alob u yilko’ob coberturas neutrales, ti’ túun ku chíikpajal jach ya’ab u k’áata’al cha’an tu’ux maas chíika’an nojtuukulo’ob ts’o’okili’ u yáax jéets’elo’obi’.
Xak'alutskíinsa'an tumen: Sasil Sánchez Chan
