Jbáaxal Lionel Messi tu k’a’aytaj le lunes máanika’, yaan u p’atik u múuch’ báaxalil Argentina. Beey túuno’, ku ts’o’okol 21 ja’abo’ob meyaj béeychaj u chúunul yéetel Copa del Mundo tu ja’abil 2022, le beetik túune’, yaan u p’áatal u k’aaba’ ichil máaxo’ob nojba’alkúunsik u báaxalil futbol.
“Tu jo’oloj le beyka’aj k’iino’ob máanak desde ka’aj úuch le ts’ook báaxalo’, tin seen tukultaj, le beetik taak in wa’alik te’exe’, yaan u p’atik le múuch’ báaxalo’”, tu ya’alaj capitán ti’ jump’éel ts’íib tu k’i’itbesaj le lunas máanika’ ti’ Instagram. K’a’aytaj tu beetaje’, ku yúuchul tu jo’oloj óoli’ ka’ap’éel winal lúubuk u múuch’ báaxalil Argentina tu táan España, tu ts’ook báaxal tu beetaj te’el Mundialo’, yéetel tu jo’oloj jayp’éel k’iino’ob kíimik u yuum yéetel máax xan representartik, Jorge Messi.
En español: Messi anuncia su retiro de la selección argentina tras 20 años de carrera
“Mixba’al jp’áat ti’ teen, mixba’al uláak’ yaan ti’al in ts’áak, ts’o’oke’ yaan uláak’ paalal ku taal tin paach najmal xan u yantal kúuchil ti’ob”, tu tsolaj número 10 ti’ k’a’aytajil tu beetaj, tu’ux tu ts’áaj xan jump’éel u yoochel ts’íibk’abil beeta’an. Máax jp ’áat tu jeel D iego Maradonae ’, yáax baáxanaj te ’el múuch’ báaxalo ’ tu ja’abil 2005, ba’ale ’ bej tu xíimbaltaje ’, tu máansaj ya’abach k ’atbeelo ’ob, tak túun tu ja’abil 2022 ka béeychaj u tich’ik Copa del Mundo tu noj lu ’umil Qatar.
Beyxan, tu béeykunsaj Copa América tu ja’abil 2021 yéetel tu ja’abil 2024; beyxan subcampeón mundial tu ja’abilo ’ob 2014 yéetel 2026. Walkila’, máax táan ka’ach u beetik u j-jo’olbesajil u múuch’ báaxalil Argentinae’ tu ya’alaj tu ts’íibtaj carta tu’ux ku beetik le k’a’aytajila’, desde tu k’iinil 21 ti’ julio, ka’ap’éel k’iin máanak le ts’ook báaxalo’. Ba’ale’, tumen tu yilaj bix yanik u yuume’, ka tu p’ataj ti’al uláak’ k’iin. Jorge Messi jkíim le 8 ti’ agosto máaniko’.
Xak'alutskíinsa'an tumen: Sasil Sánchez Chan
