U kaajil Tulume’, tu k’amaj 100 puntos ti’ 100, úuchik u máan k’áatbil beey máakalmáak kaaj maas jach ki’imak óol u xíimbalta’al ichil tuláakal yóok’ol kaab, beey úuchik u chíikpajal ti’ túumben xaak’al jbeeta’ab tumen u compañíail seguros viaje JustCover, tu’ux xak’alta’ab maanal jump’éel millón opiniones ts’aba’an k’ajóoltbil ti’ Internet yóok’olal 155 u p’éel kaajo’ob ku xíimbalta’al ichil tuláakal yóok’ol kaab.
Xaak ’a l b e eta’ab e ’, máan u kaxt ich i l ba’axo ’ob ts ’í ibta’an tumen a jxí inx imba l máako ’ob , t ’aano ’ob yé ete l je ’e l ba’axak yaan ba’a l u y i l yé ete l k i ’ imak óo la l .
En español: Tulum, el destino más feliz del mundo
Yéetel túun ba’ax chíikpjae’, tuláakal kaaje’ tu k’amaj jump’éel calificación yóok’ol 100; ti’ túun p’áat tu yáax kúuchil u kaajil Tulum.
Kaaje’, ti’ yaan tu petenil Yucatán; kex 130 kilómetros náach ti’ u noojolil Cancún. Tu jáal ja’obe’ yaan sak saam yéetel u ja’ile’ jejeláas u ch’oojil ku núupul yéetel ts’ono’oto’ob, janalo’ob, kúuchilo’ob ti’al u ki’ yantal máak. Beey u chíikulalo’ob u kaajil Tulum. Uláak’ ba’al mas jach ya’ab u kóolik máake’, leti’e’ úuchben kaaj yaan aktáan u k’áak’náabil Caribe.
Beey túuno’, tu paach mexicoil kaaje’, chíikpaj u kaajil Soufrière, tu lu’umil Santa Lucía; lelo’ tu k’amaj 95.2 puntos yóok’olal bix u ki’ cha’antal k’áax tu’ux yaan Pitons.
U yóox kúuchile’, tu k’amaj u lu’umil Oaxaca, láayli’ tu lu’umil México, yéetel 88 puntos, tu’ux chíikpaj u jejeláasil janalo’ob, mercados yéetel u miatsil.
Ich tsoolile’, táaka’an xan u kaajil Las Vegas, Maui, Nueva York, Capadocia, Río de Janeiro, Chicago yéetel Toronto.
Beyxan, tu lu ’umil Europae ’, táaka’an Positano, Italia, Santorini, Grecia, y Kotor, Montenegro. F lorencia yéetel Londres.
Xak'alutskíinsa'an tumen: Sasil Sánchez Chan
