Kex ka’atúul máak kíim yéetel uláak’ 14e’ u túulale’ saatal úuchak u níikil (avalancha) ba’al ti’ u noj wiits Himlung, tu noj lu’umil Nepal, bey úuchik u ts’a’abal k’ajóoltbil le lunes máanika’ tumen jump’éel u jo’olpóopil kaaj te’elo’.
Campamento base ti’ le noj wiits ku p’isik kex 7 mil 216 metrose’, ti’ yaan ka’ach naats’ ti’ u xuul kaajil yéetel u chinoil kaaj Tíbet, jíilta’ab tumen jump’éel avalancha tu ja’atskab k’iinil le domingo máanika’.
“Ka’ap’éel wíinkilal kaxta’ab”, tu ya’alaj ti’ AFP Tul Sing Gurung, máax jo’olbesik Asociación Nacional de Guías de Montaña de Nepal.
“Láayli’ u máan kaxtbil 14 u túul u ajmeyajil máak expedición láayli’ ma’ ojéela’an tu’ux yano’obi’”, tu ya’alaj.
Gurung tu ya’alaje’, yaan junmúuch’ meyaj tu’ux táaka’an waxaktúul u guíasil montañae’ táan u meyaj ti’al u kaxtik le máako’obo’.
Jmontañistail Mingma G Sherpa, máax jo’olbesik operativos ku beeta’ale’, tu ya’alaj meyaje’ ts’o’ok u talamtal tumen jach k’iino’obe’ jach ma’ táan u cha’ak u péek máaki’.
“Je’el ka’ach u béeytal k kaláantik u kuxtal máak, ba’ale’ u climail k’iino’obe’, k’ucho’on tak te’el túux úuch loobo’ tak tu yáak’abil le domingo máaniko’”, jts’a’ab k’ajóoltbil ti’ Facebook.
En español: Dos muertos y 14 desaparecidos por la avalancha en una montaña de Nepal
Sherpa tu ya’alaje’, guías le máaxo’ob jkíimo’obo’, ka’alikil le 14 máak saatalo’obo’ ajmeyaj máako’ob beetik janal ichil le campamento tu’ux ku beeta’al le expedicióno’.
Káajike’ chéen lajuntúul máak a’alab sa’atij.
Avalancha yanchaj le domingo máanika’, leti’e’ ts’ook k’aak’as ba’al j úuch Nepal ti’ le ts’ook k’iino’oba’. Noj lu’ume’ táan u bin u líik’il ka’ach ti’ loobilajil jats’naj tu k’iinil 26 ti’ agosto máaniko’. Maanal mil 400 máak kíimik yéetel kex 6 mil láayli’ saatalo’ob.
Xak'alutskíinsa'an tumen: Sasil Sánchez Chan
