
Alondra de la Parra yéetel Elisa Carrillo, paax yéetel óok'ot ti' 'La Orquesta Imposible'
Música y danza: surge inédito elenco mundial
Reyes Martínez Torrijos
Martes máanika’ u k’a’anan británicail kúuchil paax Gramophone, tajan k’ajóolta’an tumen leti’ u asab ma’alobil yaan yóok’ol kaab yóok’lal clásica paax te’e k’iino’oba’, tu ts’áaj k’ajóoltbil jump’éel k’a’anan péektsil: xjo’olbesaj paax Alondra de la Parra tu t’anaj meyaj junmúuch’ máako’ob ti’ jejeláas u lu’umilo’ob yóok’ol kaab ti’al u táakpajalo’ob ichil La Orquesta Imposible, tu’ux yaan ajpaaxo’ob jach k’ajóolta’anob yóok’lal u meyajo’ob, ti’al u paxiko’ob Danzón número 2, beeta’an tumen Arturo Márquez.
Tuláakal taak’in ku yantal úuchak u yéensa’al cha’an, u ts’a’abal cha’antbil ti’ Internet, u cha’antal yéetel u k’u’ubul áantaje’ yaan u ts’a’abal ti’ u múuch’kabilo’ob Fondo Semillas yéetel Save the Children, ti’al u yáanta’al ko’olel yéetel paalal ti’ u noj lu’umil México, máaxo’ob ku loobilta’alob, yéetel ku jach talamtalti’ob ba’al ka’alikil táan u máan u k’oja’anil COVID-19. Tak walkila’ ts’o’ok u múuch’ul maanal ti’ 275 mil euros.
Meyaje’, beeta’an tu lu’umil México yéetel Alemania, ts’o’okole’ táakbesa’an kex 30 u túul ajpaaxo’ob ti’ múuch’ilo’ob kex ti’ 14 u p’éel noj lu’umo’ob, je’el bix xan x-óok’ot Elisa Carrillo, u prima ballerinail Staatsballett ti’ u noj kaajil Berlín, jo’olbesa’an tumen jcoreógrafo inglesil Christopher Wheeldon.
NOTICIAS RELACIONADAS
Nacional
Cita FGR a ex senador Lavalle por denuncia de Emilio 'L' Leer másNacional
Este lunes inicia consulta del SNTE para integrar demandas Leer másNacional
Acepta AMLO recibir menos vacunas para que vayan a países pobres Leer másK'iintsil
Ku péektsilta’al u pa’ak’al kakaw ti’ u noojolil Quintana Roo Leer másK'iintsil
Yáax juntéen u su’utul ich maayat’aan u tsoolil meyaj u Jala’achil Yucatán Leer másNacional
Repuntaron en México los fraudes bancarios en la pandemia Leer másNacional
Declara Asetur que pese a pandemia se pueden realizar viajes Leer másNacional
Mexicana rinde colorido tributo a trabajadores de un hospital en Liverpool Leer más