Kerson Leong, juntúul máak jach k’ajóolta’an tumen ku paxik violín jach beey mix máak uláak’ wíinik ti’ le ts’ook ja’abo’oba’, tu jach chíikbesajubáaj úuchik u múul yáax paax yéetel Orquesta Sinfónica de Yucatán tu noj kúuchil Palacio de Bellas Artes.
Te’elo’ jpaxa’ab Concierto No.1 para violín beeta’an tumen Niccolo Paganini. Jpaaxe’ tu juumsaj u paax, je’el bix úuchik u beetik uláak’ jviolinistaob, je’el bix Itzhak Perlman, Joshua Bell, Sarah Chang, Shlomo Mintz, Stephanie Chase, Leticia Moreno yéetel Elena Mikhailova.
Beey túuno’, Kerson Leonge’, máax síij tu noj lu’umil Canadá, tu ye’esaj u técnicasil paax yéetel jach no’ojan ti’al u beetik, tumen jach jats’uts u yu’uba’al u ki’ paax, ba’ale’ yanchaj xan súutuko’ob maas chich u beetik wa maas chan séeb. Jka’ansaj Alfonso Scarano jo’olbes le paaxo’, tu’ux jviolinistae’ tu ts’áaj u yóol ti’ le súutuko’ yéetel le ki’ki’ notas tu ts’áajo’.
En español: OSY en CDMX: Kerson Leong deslumbra en Bellas Artes con una interpretación histórica de Paganini
OSY xane ’, u yó ox té en u yoko l paax Be l la s Ar te s t i ’ le 23 ja’ab o ’ob yanak . Tu ye ’e sa j máaxo ’ob ku paax ich i l le múuch’o ’, jach kaambana ja’ab yé e te l u yo je lo ’ob u ch’a’anuk t u b e e lb e sa j i l A l fon s o Scarano . “¡Viva Yucatán!”, j-u’uya’ab u ya’alal tumen máaxo’ob jbin cha’an, tu’ux xan jpaxa’ab Sinfonía de las Américas jbeeta’ab tumen Daniel Ayala -ka ka’aj je’eb le kúuchil beey xan u k’aaba’o’- beyxan u dramail Obertura Romeo y Julieta jbeeta’ab tumen jrusail paax Sergei Prokofiev.
U conciertoil OSYe’ súut jump’éel páayt’aan ti’al ka pakta’ak ba’ax le ku beetik u máakilo’ob Yucatán, tumen ya’abach ti’ le paax j-u’uyabo’ patjo’olta’an tumen Daniel Ayala, máax xan táakbesa’ab ichil u múuch’il Grupo de los Cuatro, tu’ux jts’a’ab xan José Pablo Moncayo, Blas Galindo yéetel Salvador Contreras.
U noj lu’umil Yucatán, tu ye’esaj yéetel le súutuk paaxa’, jump’éel ti’ u maas jach ma’alob meyaj yaan, tumen ku jach péektsiltik miatsil yéetel its’at.
Xak'alutskíinsa'an tumen: Sasil Sánchez Chan
