Tu sáasbal le domingo máanika’ jsa’at u kuxtal jboon, jpóol meyaj yéetel jboon pak’ Arnaldo Coen. 86 u ja’abil ka’achij. Leti’e’ juntúul máax k’ajóolta’ab úuchik u táakpajal ich Generación de la Ruptura. Beyxan táakpaj ich Academia de Artes, yéetel tu k’amaj u chíimpolalil Premio Nacional de Ciencias y Artes.
U yatan, xgalerista Lourdes Sosa, tu ts’íibtaj ti’ redes sociales: “Yéetel ya’abach yaabilaj beyxan yaj óolale’ kin ts’áak a wojéelte’ex bejla’e’, chúun u xíimbalta’al túumben bej tumen Arnaldo Coen. U jats’uts jáalk’ab óole’ jnúup yéetel u noj tuukulil máaxo’oni’, le jach utschaj tu yich yéetel le tu jach xak’altaj ti’ tuláakal meyajo’ob tu beetaj. Ku p’áatal to’on u meyaj, u ko’il u tuukul, u ki’imak óolal, u na’at yéetel u paakat. Kin ts’áak u níib óolal ti’ kuxtal yóok’olal tuláakal ba’ax tmúul kuxtataj”.
U restosile’ jvelarta’ab tu funerariail yaan yóok’ol u bejil Félix Cuevas tu noj kaajil Ciudad de México.
Xak'alutskíinsa'an tumen: Sasil Sánchez Chan
