EDICIONES IMPRESAS

Chíimpolta'ab Chadwick Boseman ti' redes sociales

Tributo al actor de 'Black Panther'

Kíimile’ jséeb k’uch yiknal Chadwick Boseman, máax jach k’ajóolta’ab yóok’lal meyaj tu beetaj ti’ u meyajil cine. Le je’elo’ tu beetaj u tíitpajal ya’abach ba’al ichil u meyajil cha’an ba’ale’ beyxan ichil Marvel. Ya’abach máak yajóoltik ba’ax úuch yéetel máax kuxkíins Black Panther.

Jump’éel beeta’ab ti’ Twitter tu’ux ku k’a’aytal sa’at u kuxatale’ chíimpolta’ab beey leti’e’ tuit asab ya’ab u téenal ts’áankabta’an ti’al u ya’alal uts tu yich máak, beey úuchik u je’ets’el tumen le red socialo’.

43 u ja’abil ka’achij. Jts’a’ab k’ajóoltbile’, Bosemane’ tu ts’ook ts’áaj u kuxtal Black Panther úuchik u beeta’al What If...?, jump’éel serie táan u beeta’al tumen Marvel Studios.