post Image

Yáax juntéen u jo’olbesa’al jump’éel u kanan cheemil Semar tumen juntúul ko’olel

Por primera vez, una mujer asume el mando de una patrulla de Semar

Eduardo Murillo

Te’e k’iino’oba’ úuch jump’éel ba’al mix juntéen yáax úuchuk: jo’olbesa’ab tumen juntúul ko’olel jump’éel Patrulla Costera ti’ u mola’ayil Secretaría de Marina (Semar).

Leti’e’ u Teniente Fragatail Cuerpo General Gloria Carolina Cházaro Berriel, máax ts’a’aban beey u Segundo Comandanteil ti’ Patrulla Costera ARM Bonampak (PC-339), máax táan u jo’olbesik le chema’ chéen jayp’éel k’iino’ob, ka’alikil u suut u nojochil Primer Comandante.

Patrulla Bonampak jóok’ u biinbal le sábado máanika’ tak tu k’áak’nabil Mazatlpán, Sinaloa, úuchak u k’ubenta’al ti’ob u máano’ob “kanan, kaaxan yéetel u jach iliko’ob ma’ u yúuchul mix ba’al k’aas, ti’al beyo’ ma’ u xu’ulul u yantal jeets’el kuxtal ti’ kajnáalo’ob yano’ob naats’ ti’ le k’áak’nabo’”.

Semare’ tu ts’áaj k’ajóoltbile’, ichil u k’ajla’ayil Armada de México, yáax juntéen u jo’olbesa’al jump’éel cheem je’el bix le je’ela’ tumen juntúul ko’olel, ts’o’okole’, tu k’abe’ ti’ yaan 15 u túul ajmeyajo’obi’.

Teniente Cházaroe’ tu ts’o’oksaj u xook ti’ Heroica Escuela Naval Militar, yéetel u asab ma’alob promedioil ichil u yéet xooko’ob, ts’o’okole’ tu náajaltaj xan jump’éel beca ti’al u xokik Maestría en Seguridad y Estrategia Aplicada, tu noj najil xook Universidad de Exeter del Reino Unido.

Edición: Ana Ordaz

NOTICIAS RELACIONADAS

...
25 de January, 2021
Opinion
A la vera del Camino Real
Leer más
...
25 de January, 2021
Yucatan
Silvia Káter y Susana Alexander en ‘Dos Alegres Consuegras’
Leer más
...
25 de January, 2021
Opinion
Megatendencias 2021... Y más allá
Leer más
...
25 de January, 2021
Opinion
Los presupuestos de la pandemia
Leer más
...
25 de January, 2021
Yucatan
Disminuye población católica en México: Inegi
Leer más
...
25 de January, 2021
Opinion
Migrar no es un delito
Leer más
...
25 de January, 2021
Campeche
Docentes señalan desorganización en puntos de vacunación
Leer más
...
25 de January, 2021
Yucatan
Aplican nueva tecnología para garantizar mejor atención en la Japay
Leer más