de

del

Pe'echak' kaxta'abo'obe', 120 mil ja'ab u yúuchbenil, ku chíikbesik tu'ux máan wíinik ka'aj jóok África

Huellas de hace 120 mil años develan ruta de humanos al salir de África
Foto: Afp

Afp y Europa Press

Te’e k’iino’oba’ jts’a’ab k’ajóoltbile’ kaxta’ab u pe’echak’il wíinik yéetel ba’alche’ob yaan kex 120 mil ja’abo’ob u yúuchbenil, tu xamanil Arabia, beey úuchik u chíikpajal ti’ paleocológica xaak’al meyajil jbeeta’ab tu’ux j-ila’ab yaan fóosilizado’ob pe’echak’.

Tu xamanil Arabia Sauditae’, u chan múuch’il Homo sapiense’ je’el ti’al u yuk’iko’ob ja’ yéetel ti’al u kaxtiko’ob janal ti’ jump’éel aak’al ma’ jach taami’, tu’ux suuk xan u bin ba’alche’ob je’el bix káameyo’ob, buufalo’ob yéetel éelefanteob maanal u nojochilo’ob le ba’alche’ob k’ajóolta’an tak walkila’.

Ba’ax kaxta’abe’ ts’o’ok u ts’a’abal k’ajóoltbil tu pik’il ju’unil Science, ts’o’okole’ u chíikulal wíinik maas ma’ úuchben kaxta’an te’e baantaa’, beyxan páatcahj u yila’al bix úuchik u péeko’ob.

Arábiga péetlu’umile’ ti’ p’aatal chúumuk ti’ África yéetel Eurasia, ba’ale’ ma’ ya’ab ba’al xak’alta’ani’, le beetik ma’ na’atan bix úuchik u xuulchajal wíinik ichil kóontinenteob.

Túumben xak’al xooke’ beeta’ane’, ku ya’alik bix úuchik u meyaj Arábiga péetlu’um ichil u k’ajla’ayil wíinik, tumen leti’obe’ ya’abach juntéen tu jatsubáajo’ob ichil le lu’umo’ úuchak u ka’anchajal k’áax tu’ux mina’an che’ob ka’achili’. Ba’ale’, láayli’ talam u je’ets’el bix úuchik u péeko’obi’ tumen ma’ ya’ab ba’al ku páajtal u je’ets’el u k’iinil ka’aj meyajnajij.