Chak ik’al Deltae’ tu jach ch’a’aj u muuk’, le beetik ka’aj tu chukaj 10:20 horase’ ts’o’okili’ u náakal categoría 4 ichil u p’iisil Saffir-Simpson. Ts’o’okole’ Servicio Meteorológico Nacional (SMN) ti’ Comisión Nacional del Agua (Conagua), ku tukultik ts’o’ok u máan 15 ja’abo’ob ma’ ila’ak u muuk’il jump’éel chak ik’al je’el bix Delta, óoli’ je’el bix Wilma. Ba’ale’, táan u yila’ale’ séeba’an ken máanak tu lu’umil Quintana Roo, ichil Puerto Morelos yéetel Playa del Carmen.
Ts’ook t’aan tu beetaj u jala’achil u lu’umil Quintana Roo, Carlos Joaquín, tu ya’alaj chak ik’ale’ yaan u jaats’ icihl la una yéetel las dos tu ts’u’ áak’ab, ts’o’okole’ u nojochile’ ku píitmáansik u nojochil le petenila’.
Yaan u líik’sik ja’ tak ichil óoxp’éel tak wakp’éel metros u ka’analil yéetel yaan u ka’antal k’áak’náab tak ichil jump’éel wa ka’ap’éel metros.
Beyxan tu ya’alaje’, k’uch xan u secretarioil Marina, José Rafael Ojeda Durán, ti’al u jach ts’aatáantik ba’ax ku yúuchul yéetel le iik’a’, tumen u muuk’il u yiik’ale’ je’el u chukik tak 280 kilómetros ti’ jump’éel ora.
Máax jo’olbesik Conagua, Gabriel López Espinoza, tu ya’alaje’ ma’ xaan wa je’el u bin u yéemel u chichil u bine’, ba’ale’ láayli’ yaan u p’áatal beey categoría 4, le beetik sajbe‘entsil ba‘al.
-Maanal 35 mil ajxíinximbal máako’ob luk’sa’ab ti’ u hotelilo’ob Q. Roo; seten úuch xchukul maan te’e noj lu’uma’
-Ku kaláantik Vila u laj luk’sa’al máak tu jáal ja’ilo’ob yucatán; ku jáawal u beeta’al je’el ba’axak meyajil te’e lu‘uma’
-U Secretarioil Marina ku jo’olbesik u meyajilo’ob kananil; ts’o’ok u kóojol 5 mil ajk’atuno‘ob te’e baanta
Edición: Ana Ordaz
