Arturo Sánchez Jiménez
Unoj najil xook Universidad Nacional Autónoma de México (UNAM) tu ts’áaj k’ajóoltbil, le miércoles máanika’, u sa‘atal u kuxtal jxak‘al xook Mario Molina, máax chíimpolta’ab yéetel Premio Nobel de Química tu ja’abil 1995.
Ba’ax úuche’ jk’a’ayta’ab ichil u redes socialesil le Universidado’, tu’ux yajóolta’ab u sa’atal u kuxtal juntúul k’a’anan Universitarioil.
José Mario Molina Pasquel y Henríquez chíimpolta’ab yéetel Nobel de Química tu ja’abil 1995, yéetel u láak’inaj holandésil Paul Crutzen. Leti’obe’ tu kanajo’ob ya’abach ba’alo’ob yóok’lal capa de ozono yéetel tu patjo’oltajo’ob Protocolo de Montreal de las Naciones Unidas: jump’éel ti’ u yáax mokt’aanilo’ob beeta’ab ti’ ya’abach lu’umo’ob ti’ yóok’ol kaab ti’al u xu’ulsal u p’áatal jach jaay capa de ozono yéetel ba’ax je’el u yúuchul yóok’ol u atmósferail Yóok’ol Kaab yéetel kuxtal je’el bix kk’ajóolmajil.
