de

del

U Nobelil Químicae' u ti'al ko'olelo'ob kaxt u nu'ukil u xóoxot' meyajta'al genoma

Nobel de Química a dos científicas por método de edición del genoma
Foto: @NobelPrize

X-xak’al xook síij Francia, Emmanuelle Charpentier, yéetel x-estadunidenseil Jennifer A. Doudna chíimpolta’abob yéetel Premio Nobel de Química, úuchak u kaxtiko’ob u nu’ukil u páajtal u xóoxot’ meyajta‘al genoma, le je’ela’ jump’éel ba’al ku na’atal óoli’ beey “tijeras moleculares”, ts’o’okole’ yéetele’ tukulta’al u páajtalil u ts’a’akal k’oja’ano’ob ku tsa’ayal ti’ máak tumen u ch’i’ibalil, beyxan tak cáncer tu paachil k’iin.

Leti’obe’ meyajnajo’ob tu ka’a jaatsil u k’áak’náabil Océano Atlántico, Charpentier yéetel Doudna, tu’ux tu beetajo’ob jump’éel nu’ukbesaj k’ajóolta’an beey CRISPR/Cas9 yéetel le ku páajtal u k’a’abéetkunsa’al ti’al u k’e’exel u ADNil ba’alche’ob, xíiwo’ob yéetel mejen wíinkilalo’ob óoli’ jach jun takáalili’ yanik ti’obi’.