U mola’ayil Appe Inc tu ts’áaj k’ajóoltbil le martes máanika’ u túumbenil nu’ukulil t’aan, iPhone 12, ku meyaj yéetel conectividad 5G, tajan séeba’an ts’o’okole’ yaan xan uláak’ ba’alo’ob ma’alobkúunsa’ab ti’ ti’al u páajtal u jach koonol mola’ay tak tu ts’o’okbal le ja’aba’.
Te‘e súutuk úuchik u ts’a’abal k’ajóoltbilo’, e’esab jump’éel kóom cha’an meyajta’ab yéetel túumben iPhone 12, tumen méexikanoil Emmanuel Lubezki, máax k’ajóolta’an úuchak u meyaj ti’ cha’ano’ob je’el bix Gravity yéetel Birdman.
Máax jo’olbesik Verizon Communications Inc., Hans Vestberg, tu ya’alaj túumben iPhono’obe’ yaan u k’a’abéetkunsiko’ob red 5G ti’al u meyajo’ob, “banda ultra ancha”, je’el bix úuchik u ya’aliko’, ti’al u chan sáaltal u meyaj red ti’ noj kaajo’ob je’el bix Nueva York yéetel Los Ángeles, beyxan ti’ kúuchilo’ob tu’ux jach táaj ku yantal máak k’a’abéetkunsik red, je’el bix u kúuchilo’ob báaxal NFL.
Applee’ tu ts’áaj ka’jóotlbil uláak’ jump’éel nu’ukul: HomePod Mini, nu’ukul ku t’aan yéetel ku na’atik xan ken tusbelta’ak, yaan u sak yéetel u samal booxil, yéetel yaan u tojoltik 99 dólares.
Yaan u káajal u k’i’itbesa’al tu k’iinil 16 ti’ noviembre.
Edición: Ana Ordaz
