de

del

Mesae‘ ku chíimpoltik 'u jach náajajil' Arce ti‘ yéeytambal jbeeta‘ab Bolivia

Reconoce Mesa triunfo “contundente” de Arce en Bolivia
Foto: Ap

Ap y Afp

Máax tu beetaj u candidatoil ti’al u beetik u jala’achil u lu’umil Bolivia yéetel máax tu beetaj xan u jala’achil ka’achile’, Carlos Mesae’, tu chíimpoltaj jo’oljeak lunese’, “u jach náajalil” máax yéetel le táan u ketikubáaj ka’achij j-íizquierdista Luis Arce úuchik u beeta’al yéeytambal le domingo máanika’, tumen beey úuchik u ye’esa’al ti’ yáax xook beeta’ab ti’ yéeyajil yanchaj. “Ba’ax chikpaj ti’ xookil jan beeta’abe’, jumpuul yéetel jach sáasil úuchik u chikbesik ba’ax úuchij”, beey úuchik u ya’alik Masa yóok’lal yéeytambal tu’ux ts’o’ok u jóok’sa’al máax ku máan tu jeel Evo Morales, u jala’achil u lu’umil Bolivia ka’achij, tumen 20 puntos jmáan táanil ti’ le uláak’ káandidato’obo’. 

“Ti’ to’on, máax kchíimpoltik bix u meyaj déemokrasiae’, kjets’ik xan ts’o’ok u yantal juntúul máax náajaltik yéeytambal”, tu ya’alaj.

Mesae’ tu ya’alaj ti’ jump’éel tsikbal tu beetaj yéetel kúuchilo’ob k’a’aytik péektsilo’obe’, leti’e’ yaan bin u yáantaj ti’al u meyaj jala’ach tu beel wa tumen túumben jala’ach “ku chíimpoltik u t’aan óoposision”, tumen ka’ach táan u meyaj Evo Morales (2006-2019) ma’ tu éejentaj u meyaj yéetel u yaanalil máako’ob tumen u ya’abil xan máaxo’ob yaan Legislativoe’ jump’éelili’ bix u tuukulo’ob yéetel.

Edición: Ana Ordaz