de

del

Randy Arozarena, máax báaxalnaj tu lu‘umil Yucatán, tu ketajubáaj ichil u noj báaxalil Serie Mundial káaj jo‘oljeak

Randy Arozarena, quien jugó en Yucatán, es una de las figuras del Clásico de Otoño
Foto:

Foto: Twitter MLB Stats

U keetil báaxal Serie Mundial de Grandes Ligas ichil u múuch’ báaxalil Dodgers de  Los Ángeles yéetel Mantarrayas de Tampa Bay káaj tu k’iinil jo’oljeak yéetel tu chikbesaj jump’éel k’a’anan báaxal ichil u jach nuuktakilo’ob jats’ wóolis. 

Kex tumen kóomchaj u k’iinilo’ob báaxal yéetel xáanchaj u káajsa’al postemporadae’, le je’ela’ u kantéenil u yúuchul le noj keetila’, úuchik u jeel ja’atsalo’ob ti’ óoxjaats tu ja’abil 1995.

U tajan ma’alob ajbáaxalil Campeonato de la Liga Americana

Kex tumen ya’abach ba’al a’alabe’, jkubanoil yéetel máax jach chikbesik u báaxalil playoffs ti’ Grandes Ligas de béisbol, Randy Arozarena, tu chikbesaj u k’a’ananil u báaxal ichil u múuch’il Rays de Tampa Bay, tak ka’aj yéeya’ab beey u MVPil Campeonato de la Liga Americana.

Leti’e’ síij tu kaajil Pinar del Río, Cuba, ba’ale’ walkila’ ti’ ku tóoch’bal ichil k’a’anan báaxalil jats’ wóolis yaan yóok’ol kaab. Ba’ale’ tu ja’abil 2016, ka’aj luk’ tu kaajale’, kóoj tu noj kaajil Jo’ tu’ux áanta’ab tumen máak jach kaambanaja’anob je’el bix Raúl Ortega, Héctor Castañeda yéetel Juan José Pacho, beyxan Carlos Pérez yéetel Edwin Solís.

Ichil xíimbal tu beetaj Yucatáne’ páatchaj u báaxal yéetel Oxkutzcab ichil u keetil Liga Naxón Zapata, beyxan Liga Meridana de Beisbol, tu’ux tu kanaj ya’abach ba’alob.

Edición: Ana Ordaz