Reporteros
U k’a’ajsa’al bejla’a máaxo’ob ku meyajo’ob tu najilo’ob ts’akyaj tu lu’umil Méxicoe’, ku ch’a’ak u muuk’ te’e k’iino’oba’ yóok’lal ba’ax táan u yúuchul yéetel pak’be’en k’oja’an yaan yóok’ol kaab walkila’.
Le k’iina’ u páajtalil u ya’alpajal tuka’atéen ba’axten jach táaj k’a’anan meyaj ku beeta’al mantats’ tumen ts’akyajo’ob, ba’ale’ beyxan tuláakal máaxo’ob ku meyajo’ob te’elo’, tumen ka’alikil táan u máan le k’oja’anila’ ma’ táan u xu’ulul u meyajo’ob. Le beetik kpáayt’antik máaxo’ob xokiko’ob ti’al u yilko’ob le nojoch ts’íib beetchaj yóok’lal u meyaj máaxo’ob ts’aatáantik u toj óolal méexikanoilo’ob, kex tumen jach ka’anantsil yéetel yaan tu’ux ma’ chuka’an ba’al ti’al u meyajo’ob tu beeli’.
