de

del

U kaajil Pomuche’, tu méek’tankaajil Hecelchakán, Kaanpeche’, suuka’an u cho’ok ja’ab man ja’ab u baakel u aanimaso’ob, ts’o’okole’ le je’elo’ jump’éel ba’al k’ajóolta’an tumen uláak’ lu’umo’ob yéetel kaajo’ob, le beetik suuka’an ka’ach u k’uchul ya’abach máako’ob u xíimbalto’ob le kaaja’ ti’al u yilko’ob bix u p’o’obol u baakel le aanimaso’obo’ yéetel broochas; te’elo’ ken u chuk óoxp’éel ja’ab u biixil le aanimaso’, ku jóok’sa’al u reestos.

Te’e ja’aba’, je’ets’ tumen u jala’achil u kaajil Hecelchakán, José Dolores Brito Pech, yaan u k’a’alal cementerios tu k’iinilo’ob 1 yéetel 2 ti’ noviembre, ba’ale’ kajnáalo’obe’ yaan u páajtal u yokolo’obi’, ba’ax je’ets’e chéen ti’al táanxelil máako’ob, le beetik pomuchilo’obe’ tu táanilkunsaj u p’o’okob. Viernes ka káaj u k’uchul jaytúul “nojoch máako’ob” ti’al u cho’okob u restosil u animaso’ob, tu k’exajo’ob xan u nook’il yéetel tu yutskíinsajo’ob u yotocho’ob.

Ja’ab man ja’abe’ suuk u beeta’al tu ts’ook k’iinilo’ob octubre, ti’al beyo’, ken u chuk 31e’ ts’oka’an u laj beeta’al ti’al u k’a’amal u pixan mejen paalal, beey úuchik u ya’alik Marcelino Miss Uc, máax jo’olbesik Unión de Pueblos Indígenas de Campeche.