Robert Fisk, juntúul jkóoresponsal jach tu kanaj u ts’íibt u péektsilo’ob Medio Oriente ichil u pik’il ju’unil The Independent, ts’o’okole’ leti’e’ periodista jach k’ajóolta’ab yóok’lal meyaj tu beetaj, jsa’at u kuxtal úuchik u tsa’ayal ti’ jump’éel k’oja’anil.
74 u ja’abil ka’achij, Beyxan meyajnaj tu pik’il ju’unil The Independent, tu ja’abil 1989 úuchik u p’atik u meyaj ichil The Times, ba’ale’ ma’ xáanchaj ka’aj káaj u chíimpolta’al beey juntúul jts’íib jach kaambanaja’an yéetel ba’ax ku tukultike’ jach k’a’anan ti’al uláak’ ba’alo’ob. Láayli’ u ts’íib ichil The Independent tak ka’aj sa’at u kuxtal tu noj kaajil Dublín.
Christian Boughton, máax beetik jo’olbesik walkila’ u jaatsil meyaj editorial ichil The Independente’ tu ya’alaj: “ma’ sajaki’, u yojel ba’ax ku beetik yéetel u jach k’ubmaj u yóol ti’ ba’ax ku beetik ti’al u kaxtik u jaajil ba’al, Robert Fiske’ leti’ u jach k’a’anan periodistail ti’ le ja’abo’ob kuxlaji’. K’áak’ tu jóopsaj ichil The Independent bíin t’óochbanak ti’al u mantats’il k’iino’ob.
U ya’abil ba’ax ku ts’íibtik Fiske’ ku jach beetik u yantal u tsikbalil, ts’o’okole’ le je’elo’ óoli’ ku jach beetik u ki’imaktal u yóol. K’uch tak u k’áatchi’ibt ka’atéen Osama Bin Laden, Beyxan jk’u’ub u chíimpolalo’ob Amnistía Internacional yéetel Premio Británico a la Prensa; yéetel tu ts’íibtaj jayp’éel áanalte’ob je’el bix Pity the nation: Lebanon at war (Pena por la nación: Líbano en guerra), yéetel The war for civilisation: The conquest of the middle east (La guerra por la civilización: La conquista de Medio Oriente).
Edición: Ana Ordaz
