Te’e k’iino’oba’ kaxta’ab u restosil juntúul táankelem xch’úupal jmu’uk kex 9 mil ja’abo’ob paachil ichil u k’áaxil Andes peruanoil ba’ale’ yéetele’ ti’ yaan nu’ukul tu k’a’abéetkunsaj ti’al u máan ts’oon, le beetik jna’atabe’ u ko’olelilo’ob le ja’abo’obe’ yanchaj táakpajo’ob yéetel máano’ob u chuk ba’alche’ob ti’al u tséentikubáajo’ob; ts’o’okole’ ma’ chéen mejen ba’alche’obi’, tak le nuukta’ako’ob ka’achij, beey úuchik u ts’a’abal k’ajóoltbil ti’ jump’éel xaak’al jts’a’ab k’ajóoltbil tu pik’il ju’unil Sciences Advances, ts’o’okole’ ku tselik tuukul yaan ka’ach tumen ku tukulta’ale’ chéen xiib beetik le meyajilo’.
