de

del

U majan taak'inil Infonative' unaj u táats' bin tu k'ab ajmeyaj máako'ob, k'eexil táan u péektsiltik AMLO

Crédito directo de Infonavit al trabajador, plantea AMLO en iniciativa
Foto: Reuters

Fabiola Martínez y Alma E. Muñoz

Jala’ach Andrés Manuel López Obradere’ tu ts’áaj k’ajóoltbil jo’oljeake’ jump’éel k’eexil ku tukultik je’el u páajtal u beeta’al ti’ u A’almajt’aanil Infonavit, tu’ux táan u kaxtik u xu’ulsik ba’alob ma’ jach patal u beeta’ali’ ichil tuláakal ba’al yaan u yil yéetel u beeta’al najo’ob, tumen leti’e’ u k’áat ka yanak u páajtalil ti’ ajmeyajo’obe’ u k’a’abéetkunsiko’ob u creedito’ob le bix u maas ma’alobil ku taal ti’obi’.

“Túulis páajtal ti’al yéeyaj, tse’elek túutelaje’, walkila’ ma’ táan “u ma’anal le chan déepartameentoo’ te’e kúuchil áabitasionalo’’, ts’o’ok ktsikbal yóok’lalo’ob tumen jach ma’ patal beeta’anilo’obi’, ts’o’okole’ jach ko’ojtak, le beetike’ ajmeyaje’ k’a’abéet u bo’otik mejen najo’ob chéen 35 meetro’ob kuáadrado’ob u nojochil, yéetel tu’ux líik’sa’ano’obe’ sajbe’entsil wa náach ku p’áatal, le beetik ku xun p’attalo’ob.

 

También te puede interesar: Crédito directo del Infonavit al trabajador, plantea AMLO

 

“Tuláakal le je’elo’ ku yúuchul tumen ajmeyaj máake’, je’el bix tuláakal kajnáalo’obe’, nojoch máako’ob yéetel ma’ k’a’abéet ti’ob tutela. Le je’elo’ jump’éel noj k’eexil”, beey úuchik u ya’alik jala’ach tu kúuchil Palacio Nacional.

Máax jo’olbesik Infonavit (Instituto del Fondo Nacional de Vivienda para los Trabajadores), Carlos Martínez Velázquez, tu ya’alaj k’eexil táan u yóotbil beetale’ “leti’ u asab noj k’eexil yóok’lal majan taak’in táan u yantal te’e noj lu’umila’”, tumen ti’al u yutsil 40 millonesil máako’ob.