U mola’ayil Secretaría de la Defensa Nacional, tu ts’áaj k’ajóoltbile’, yóok’lal búulil táan u yantal te’e ts’ook k’iino’oba’ tu noojol lak’in le noj lu’uma’, jts’a’ab meyaj te’e lu’umo’ 2 mil 493 u túul u ajmeyajilo’ob Ejército Mexicano yéetel kex uláak’ 143 u kis buuts’ilo’ob beyxan kamp’éel u péepen k’áak’il Fuerza Aérea Mexicano ti’al u yáantik u kajnáalo’ob Chiapas yéetel Tabasco, ichil múul meyaj táan u beeta’al yéetel u jala’achil le lu’umo’obo’.
Ts’o’ok u k’u’ubul ti’ máaxo’ob búul u yotocho’ob yéetel yanchaj u bino’ob ti’ áalberguese’, teep’elo’ob yéetel ba’al ti’al u wenelo’ob, beyxan ts‘o‘ok xan u káajal u k‘a‘abéetkusa‘al Fondo para la Atención de Emergencias (Fonden), kex tumen je‘ets‘ u sa‘atal le mola‘ayila‘ tak ma‘ seen úuchi‘.
