U yóox múuch’tambalil Encuentro de Jóvenes Creadores 2020 ku beeta’al tumen Fondo Nacional para la Cultura y las Artes (Fonca), yaan u beeta’al ti’ Internet, yaan u káajal 16 ti’ noviembre yéetel 11 ti’ diciembre, beey úuchik u ts’a’abal k’ajóoltbil tumen Secretaría de Cultura ti’ u lu’umil México. Yaan u táakpajal 225 u túul máaxo’ob áantano’ob yéetel le nu’ukbesaja’, tu’ux yaan u ye’esa’al meyajo’ob ts’o’ok u beeta’ali’. Meyajo’obe’ yaan u ye’esa’al ti’ u kúuchil Contigo en la Distancia. beyxan ti’ u redes socialesil Fonca, je’el bix xan ti’ u kúuchilo’ob Imagen y Nacional de las Artes. Oochele’ jóok’sa’an ti’ jump’éel cha’an beeta’an tumen Alejandra Jimena Medina Gómez.
