Jessica Xantomila
Foto: Sasil Sánchez Chan
U Arquidiócesisil Primada de México, Conferencia del Episcopado Mexicano, Insigne yéetel Nacional Basílica de Guadalupe beyxan u Jala’achil le noj lu’umo’ tu ts’áajo’ob k’ajóoltbile’, u kúuchil Templo Mariano yaan u k’a’alal tu k’iinil 10 tak 13 ti’ diciembre, ti’al beyo’ ma’ u seen múuch’ul máak yóok’lal u pak’be’en k’oja’anil COVID-19.
Ti’ jump’éel ts’íib ts’a’ab k’ajóoltbile’, k’áata’ab ti’ kaaje’ ka bin beeta’ak u k’iimbesajil u ko’olebil Guadalupe chéen ti’ najilo’ob k’uj wa tu yotoch máak, ba’ale’ yéetel tuláakal ba’ax ku k’áata’al ti’al u paklan kaláantikubáaj kaaj.
Te’e ja’ab 2020a’, “jump’éel ti’ u asab talamil ja’abo’ob ts’o’ok u yantal ichil u k’ajla’ayil u noj lu’umil México, le beetik ku na’atpajale’, ya’abach máak taak u taal, je’el bix suuk u beeta’al ja’ab man ja’ab”, tumen Basílicae’ ku kaxtik máak “uts óol tu táan talamilo’ob yéetel chi’ichnakil táan u yantal yóok’lal pak’be’en k’oja’an yaan, ba’ale’ beyxan yóok’lal uláak’ talamilo’ob”, tu ya’alajo’ob.
Edición: Ana Ordaz
