Joana Maldonado y Rosario Ruiz
Ichil tuláakal u noojolil Méxicoe’, tu’ux p’aata’al xan Quintana Roo, yaan u jach jats’utsil k’áaxo’ob tu’ux kuxa’an báalamo’ob, u jach nojoch felinoil yaan América tumen je’el u k’uchul u aaltal tak yóok’ol 160 kilogramos, ts’o’okole’ le 29 ti’ noviembre ku taala’ leti’ ken máanak u k’iinil u k’iimbesa’al le ba’alche’a’.
U K’iinil Báalame’ káaj u k’iimbesa’al lik’ul u ja’abil 2018 úuchik u k’áata’al tumen Programa de las Naciones Unidas para el Desarrollo (PNUD) yéetel uláak’ u múuch’kabilo’ob Fondo Mundial para la Naturaleza (WWF), Wildlife Conservation Society (WCS) yéetel Panthera ti’al u ki’iki’ óolta’al u kuxtal yéetel u chíimpolta’al u k’a’ananil ti’al u yantal utsil kuxtal ichil k’áax tu’ux ku yantal.
