Romain Grosjeane’ juntúul pilooto, síij tu noj lu’umil Francia, páatchaj u séeb jóok’ol ti’ u kiis buuts’ joopol u k’áak’il úuchik u jentáantikubáaj ka’alikil táan u yáalakabtik Gran Premio de Bahrein le domingo máanika’.
Jpilotoe’ 34 u ja’abil, u ch’a’amaj bej ka’ach ti’al u yáax lóochol te’e bej tu’ux ku bino’, ba’ale’ wáak’ u Haasil, jóop u k’áak’il yéetel jóok’ ka’a jaats ti’ tak ka’aj tu jéenpuch’tubáaj ti’ jump’éel báarera yaan te’elo’. Grosjeane’ béeychaj u jóok’ol te’e kiis buuts’ilo’ ts’o’okole’ ma’ jach ya’ab tu’ux chu’uji’.
