Enrique de Esesarte Pesqueira
Foto: Víctor Flores Olea
Jach ok’om óol p’áatiken ka tin wojéeltaj ts’o’ok u kíimil in ts’ée’ yuum Víctor Flores Olea.
Yaan in cha’ak ka úuchuk t’aan tu yóok’lal yéetel ba’ax noj ba’alo’ob tu beetaj tumen máaxo’ob tu jach chíimpoltajo’ob u meyaj, tumen ya’abach ba’alo’ob tu beetaj, leti’e’ máax yáax jo’olbes Conaculta tu k’iinil táant u yantal le mola’ayilo’, beyxan tu beetaj u éembajadoril México ichil URSS, meyajnaj ti’al ka’ansik ya’abach poliitiko’ob, je’el bix u jala’achil u lu’umil México, tumen tu jo’olbesaj xan Facultad de Ciencias Políticas y Sociales ti’ u noj najil xook UNAM, beyxan yóok’lal ba’ax u kanmaje’ tu chíikbesaj México tu táan Unesco, tu lu’umil París; yanchaj u na’at xan ti’al u xak’altukultik ba’alo’ob yóok’lal politikáa ti’ ts’íibo’ob tu ts’áaj k’ajóoltbil tu pik’il ju’unil La Jornada, El Universal yéetel revista Siempre!, ichil uláak’ ba’alo’ob.
Tene’ taak in ts’íib yóok’al u ts’ée’ íits‘in in na’, taak in t’aan yóok’lal in ts’ée’ yuum Víctor.
Suukchaj in t’anik beey “tío sabio” tumen kin wilike’ óoli’ ts’o’ok u xokik tuláakal ba’al, je’el ba’axak ka’aj a k’áat ti’e’ yaan wa ba’ax ti’al u núukik; ba’ale’ tajan ya’ab ba’al u kanmaj yéetel u líik’smaj tu pool, ba’alo’ob yóok’lal miatsil ba’ale’ beyxan t’aan suuk u beeta’al ti’ kaajo’ob; juntéenake’ tu ye’esaj ka’alikil táan kbáaxtik Maratón.
Edición: Ana Ordaz