U ka’ajaatsil ti’ u yóoxjaatsil paalal táan u xooke’ mina’an ti’ob Internet tu yotocho’ob, kex tumen u pak’be’en k’oja’anil COVID-19e’ tu laj k’exaj ba’al ti’ kaambal tumen walkila’ chéen ti’ Internet ku yantal xook, beey úuchik u ya’alik ONU le martes máanika’.
Ti’ jump’éel tsolts’íib beeta’ab ichil Unicef yéetel Unión Internacional de Telecomunicaciones (UIT) jts’a’ab k’ajóoltbile’ yaan mil 300 millonesil paalal ichil 3 tak 17 u ja’abil mina’an ti’ob Internet tu yotocho’obi’.
Ichil máaxo’ob yaan u ja’abil ichil 15 yéetel 24e’, u porcentajeil máaxo’ob mina’an Internet tu yotocho’obe’ k’ucha’an tak 63 por cientoil.
“Jach k’ata’an u beel paalal mina’an Internet tu yotocho’obi’”, beey úuchik u ya’alik máax ilik u meyaj Unicef, Henrietta Fore.
Paalal ma’ táan u páajtal u konektartikubáaj ti’ yotoche’ ku tselik u páajtalil ti’ob ti’al “u ketikubáajo’ob ti’ u beeta’al u suut taak’in te’e k’iino’oba’ yéetel jumpáay yaniko’ob ti’ yóok’ol kaab”, tu chukbesaj ymu táan.
Tsolts’íib ku ya’alik ka’ache’, kex mina’an COVID-19e’, u p’áatal mina’an Internet ti’ paalale’ chéen ku náachkunsiko’ob yéetel ku p’áatalo’ob ichil xma’ keetil kuxtal, le’ beetik páajtalil yaan xan ti’obe’ ma’ ya’abi’.
