Ti’ junmúuch’il soots’o’obe’ je’el u yantal tak jump’éel millón u túulal, ts’o’okole’ u ya’abil u múuch’ilo’ob yaan te’e petenila’ ku píitmáansiko’ob u millonil. Ku jaantiko’ob mejen ik’elo’ob yéetel u yich che’ob, le beetike’ ken janako’obe’ ku máan u k’i’itbes u yi’inaj, neek’ yéetel u yich che’ob. Je’el u k’uchul u jayo’ob tak jo’op’éel u neek’il wa ba’ax che’il ichil jump’éel metro cuadrado.
Edición: Ana Ordaz
